ناشطة عونية : طفح كيل الوقاحة! كنت ملتزمة و بطلت

كنت ملتزمة و بطلت!

قدمت استقالتي نهار الجمعة الفائت من التيار الوطني الحرّ عبر الواتساب للمنسق المحترم سبع حبيب!

وقلت رح تكون عالسكت احتراماً للمبادىء

ولكن!! طفح كيل الوقاحة والفجور بقضاء جبيل: و لكل مخوّن بقلك: فششششرت توصل لنص نضالي!

سأبقى عونية لاخر نفس، و حتى ولو الجنرال طلب مني كون مطيعة، رح قلو: اسمحلي كون حرة و سيدة و مستقلة متل ما علمتنا!

وقت تقوّص علينا و ع بيتنا و عيلتي كلا لاننا عونيين وين كنتو؟

وقت سبونا و سبو والدي ووالدتي لانه طلعنا ع بعبدا مع المرحوم جدي كيف طلع عالعصا كان عمره ٩٢ سنة وين كنتو!؟

وقت كمشو رسالة مني لالين انو منبقى عونية مع الجنرال بجيبة والدي و كانو رح يقتلوه ع معبر نهر الكلب لولا العناية الالهية بضابط عنده ضمير وين كنتو!؟

وقت تقوص علينا بنهر الموت وين كنتو!؟

وقت الراهبة ماري اوديل الله يرحما كمشت معي صورة للجنرال و كبتني برا و هجمت عليا و صرت صرخ و عيط و التلاميذ صارت تقول جنرال جنرال لحد ما اعتذرت مني قدام الكل انه ما الها حق بغراضي الشخصية وين كنتو!؟

وقت تهددت بشغلي اذا ببقى عونية و بقيت و ما قدرو عملو معي شي وين كنتو؟

وقت ننزل عالساحات والمظاهرات و خلصنا من رصاصة عالمرفأ انا و رالف وين كنتو!؟

وقت احتفظت بارشيفات الصور للعماد عون ووتوقيعه من انا وكان عمري ١٣ سنة لليوم وين كنتو!؟

حدا قدملي شي غير معنوي لحتى عم تربحونا جميلة و تنعتونا بعدم الوفاء!؟

يترجوني لاخد منصب و استلم شي و ارفض لانه مش هيدي غايتي كانت! وين كنتو!

حدا اشتغل قدنا بالانتخابات و عطينا دم قلبنا و وقتنا و تعرضنا لابشع المضايقات من كل الاحزاب، بضيعتي ميفوق! وين كنتو!!!

وقت نظمت نشاط للحرس القديم بضيعتي و قامت القيامة و ما ضل حدا ما حكاني ليلغي المشروع من رؤسا احزاب و بلديات و قائممقام و رئيس حزب القوات لانن اعتبرو ميفوق بس للقوات وما قبلت الغيه لحد ما طلب مني جبران الغي المشروع انتو وين كنتو؟؟؟

جنرال ميشال عون بيبقى المثال الاعلى بتاريخ السياسة

و جبران باسيل بتبقى الاذكى و الانشط و بحبك لاخر نفس

سعادة النائب سيمون ابي رميا بتمثلني و بتبقى الوفي و المحب والذكي والطموح و المتواضع والوفي والنزيه والنشيط والوطني والحر والمستقل و لاخر نفس وما بعد الموت لازم كمان كون معك

ما حدا يخونّا و انتو ابشع من كل الاحزاب لانكن من اهل البيت!